Disfata e Juventusit kundër Atleticos mund t’i kushtojë atyre më shumë se një vend në Ligë të Kampionëve.

“Zonja e Vjetër” është në prag të eliminimit në xhiron e 1/8-ës pas humbjes 2 me 0 në Spanjë mbrëmjen e së mërkurës, transmeton portali arbresh.info.

Por, përveç disfatës ata pësuan edhe një rënie në tregun e aksioneve prej 100 milionë funtave.

Pas fishkëllimës së fundit, çmimi i aksioneve të tyre ra për 11.11 për qind.

Profili i klubit italian ishte rritur pas transferimit prej 100 milionë euro të superyllit Cristiano Ronaldo gjatë verës.

Pas fitores së titullit të pestë në Ligë të Kampionëve sezonin e kaluar, Juventusi mendoi se reprezentuesi portugez mund t’i jap fund pritjes së tyre të gjatë për një titull evropian, transmeton portali arbresh.info.

Ata i kanë fituar dy trofe, por i fundit për ata ka ardhur në vitin 1996.

Juventusi ka arritur gjithashtu dy herë në finale në katër vitet e fundit, por u eliminua një herë nga Barcelona dhe një herë nga Real Madridi.

Tani, ata kanë nevojë për magjinë e Ronaldos më shumë se kurrë në rast se dëshirojnë të vazhdojnë tutje në raundin tjetër./arbresh.info/